श्रीमद्गुहानन्दाष्टकं
यत्ताम्रपर्णीतटिनी सुजातं हिमाद्रिशृङ्गे परमापवृद्धिं
मन्मानसह्लादकरं त्रिवेण्यां भजेगुहानन्द पदाम्बुजंतत् 1
स्वात्माराम सुपञ्जरे सुविमले लीनं प्रकाशात्मकं
स्वच्छोद्भासि विमर्शनेऽति महिते हेतुं वरात्माभिधं
स्वाकारस्य निरूपणेऽतिगहने हेतुं गुहात्माह्वयं
वन्देऽस्मद्गुरुनाथमण्डलमहं ब्राह्मेबिले संस्थितं 2
यद्वेदागमशास्त्र सारमवदत्तत्त्वं शिवायै शिवो
यद्वेतान्त सुलक्ष्य मङ्गजरिपोतिं ललाटाम्बकात्
यद्ब्राह्मी सुरदीर्घिका तपनजा संगेमया सादितं
तद्ब्रह्मण्य समाह्वयं गुहपदं ध्यायामि मोक्षप्रदं 3
यत्पीताम्बुधि कुम्भजादि मुनिभिर्ध्यातंतु दह्राम्बरे
यत्पीताम्बरधारिणः सहभवानेत्रस्य मोदंकरं
यच्छान्ताद्रि सुमध्यगं सुमहसां ज्योतिःप्रदं शाश्वतं
तद्ब्रह्मण्य समाह्वयं गुहपदं ध्यायामि मोक्षप्रदं 4
यच्छान्तं शिवमद्वयंत्विति विदुर्वेदान्त वाचःपरं
यच्छान्तास्व कथासनाम्बुजगतं ध्यायन्तिचित्खेपरे
यच्छवेतारुणमब्ज रन्ध्रकमले संस्थं महानन्ददं
तद्ब्रह्मण्य समाह्वयं गुहपदं ध्यायामि मोक्षप्रदं 5
यत्पृथ्व्यादि शिवान्त तत्त्वमभवद्यत्षण्णवत्यात्मक
यद्वर्गाष्टकमातृकाकृतिपरं नादात्मकंचा भवत्
यत्सृष्टयादि सुपञ्चकृत्यकरणे पञ्चात्मकंचा भवत्
तद्ब्रह्मण्य समाह्वयं गुहपदं ध्यायामि मोक्षप्रदं 6
यद्भासा ग्रहतारचन्द्र हुतभुमित्रा: सदा भान्तिखे
यद्रूपा विधि विष्णु विश्वपतयः सेन्द्रादि दिवपालकाः
यन्नित्यं निगमान्त लक्ष्यमचलंत्वेकं सदाख्यंविदु:
तद्ब्रह्मण्य समाह्वयं गुहपदं ध्यायामि मोक्षप्रदं 7
यत्सत्यं सकलान्तरस्थ परचिद्रूपं पराख्यं विदु-
र्यत्सन्मात्र निजस्वरूप विभवंत्वेकं शिवाख्यं विदुः
यत्स्वाकार सुधाब्धिमग्न सुधियोजानन्ति सच्चिद्घनं
तद्ब्रह्मण्य समाह्वयं गुहपदं ध्यायामि मोक्षप्रदं 8
आत्मानन्दभव श्रीमद्गुहानन्दाष्टकं शुभं
चिदानन्देन रचितं यः पठेद्गुह एव सः ॥
ஸ்ரீகுஹாநந்தநாதாஷ்டகம்
யத்தாம்ரபர்ணீ தடிநீஸுஜாதம் ஹிமாத்ரிச்ருங்கே பரமாபவ்ருத்திம்
மந்மாநஸாஹ்லாதகரம் த்ரிவேண்யாம் பஜேகுஹாநந்தபதாம்புஜம்தத் ॥ 1
ஸ்வாத்மாராம ஸுபஞ்ஜரே ஸுவிமலேலீநம் ப்ரகாஶாத்மகம்
ஸ்வச்சோத்பாஸி விமர்ஶநேఽதி மஹிதே ஹேதும் வராத்மாபிதம்
ஸ்வாகாரஸ்ய நிரூபணேఽதிகஹநே ஹேதும் குஹாத்மாஹ்வயம்
வந்தேఽஸ்மத் குருநாதமண்டலமஹம் ப்ராஹ்மேபிலே ஸம்ஸ்திதம் ll 2 ll
யத்வேதாகமஶாஸ்த்ர ஸாரமவதத்தத்வம்ஶிவாயை ஶிவோ
யத்வேதாந்த ஸுலக்ஷ்யமங்கஜரிபோதிம் லலாடாம்பகாத்
யத்ப்ராஹ்மீ ஸுரதீர்கிகா தபநஜா ஸம்கேமயா ஸாதிதம்
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம் II 3 II
யத்பீதாம்புதி கும்பஜாதி முநிபிர்த்யாதம்துதஹ்ராம்பரே
யத்பீதாம்பரதாரிண:ஸஹபவாநேத்ரஸ்ய மோதம்கரம்
யச்சாந்தாத்ரி ஸுமத்யகம் ஸுமஹஸாம் ஜ்யோதி:ப்ரதம் ஶாஶ்வதம்
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம் ॥4
யச்சாந்தம் ஶிவமத்வயம்த்விதி விதுர்வேதாந்த வாச:பரம்
யச்சாந்தாஸ்வ கதாஸநாம்புஜகதம் த்யாயந்திசித்கேபரே
யச்சவேதாருணமப்ஜரந்த்ரகமலே ஸம்ஸ்தம் மஹாநந்ததம்
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம் 5
யத்ப்ருத்வ்யாதி ஶிவாந்த தத்வமபவத் யத்ஷண்ணவத்யாத்மக
யத்வர்காஷ்டகமாதகாக்ருதிபரம் நாதாத்மகம்சா பவத்
யத்ஸ்ருஷ்டயாதி ஸுபஞ்சக்ருத்யகரணே பஞ்சாத்மகம்சா பவத்
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம் 6
யத்பாஸா க்ரஹதாரசந்த்ர ஹுதபுமித்ரா: ஸதாபாந்திகே
யத்ரூபா விதி விஷ்ணு விஶ்வபதயஃ ஸேந்த்ராதி திவபாலகா:
யந்நித்யம் நிகமாந்த லக்ஷ்யமசலம்த்வேகம் ஸதாக்யம் விது:
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம் ॥7
யத்ஸத்யம் ஸகலாந்தரஸ்த பரசித்ரூபம் பராக்யம் விதுர்யத்
ஸந்மாத்ர நிஜஸ்வரூப விபவம்த்வேகம் ஶிவாக்யம் விதுஃ
யத்ஸ்வாகார ஸுதாப்திமக்ந ஸுதியோஜாநந்தி ஸச்சித்கநம்
தத்ப்ரஹ்மண்ய ஸமாஹ்வயம் குஹபதம் த்யாயாமி மோக்ஷப்ரதம்
ஆத்மாநந்தபவ ஸ்ரீமத்குஹாநந்தாஷ்டகம் ஶுபம்
சிதாநந்தேநரசிதம் ய: படேத்குஹ ஏவ ஸ:
